რა არის ეს? შავი პარასკევი – თურმე რა მოხდა!
შავი პარასკევი – დღე რომელიც ხშირად საშობაო სამზადისის საწყისად მიიჩნევა.
ამ დღეს უამრავ ქვეყანაში დიდ თუ პატარა მაღაზიებთან უზარმაზარი რიგია, რადგან ყველგან გრანდიოზული ფასდაკლებების დროა.
გაინტერესებთ რატომ?
რა არის შავი პარასკევი: რეალური ისტორია ფასდაკლებები კი აქ!
შესაძლოა ბევრ თქვენგანს მოუძიებია ისტორია თუ რა არის შავი პარასკევი, რატომ მაინცდამაინც ეს სახელწოდება ან საერთოდ საიდან მოდის.
ზუსტად ვიცი, ბევრ ისტორიას ამოიკითხავდით და მოდით ვეცადოთ „ნამდვილი ისტორია“ ვიპოვოთ.
ვერავინ გეტყვით ვინ იყო ადამიანი, რომელმაც სახელწოდება „შავი პარასკევი“ პირველად გამოიყენა, მაგრამ მოგიყვებით იმას, რომ ამერიკის ყველაზე მასშტაბური „საშოპინგო დღესასწაული“ მე-19 საუკუნის მონათმფლობელებს, დიდ ფინანსურ კრიზისსა და შეშინებულ პოლიციას უკავშირდება.
History Channel-ის თანახმად, სახელწოდება 1869 წლის ფინანსურ კრიზისს აღწერს, რომელიც აშშ-ში კორუფციამ და ოქროს ბირჟაზე თაღლითობამ გამოიწვია. იმ დღეს უოლ-სტრიტზე ორი უმსხვილესი ინვესტორის, ჯეი გოლდენის და ჯიმ ფისკას აქციები, ერთ დღეში 20%-ით დაეცა. მართლაც „შავი“ აღმოჩნდა ეს დღე მათთვის, რას იტყვით?
არც 2021 წელი აღმოჩნდა გამონაკლისი ამერიკის საფონდო ბირჟისთვის. ამის შესახებ Forbes იუწყება.
გამოცემის თანახმად, მსოფლიოს 10 უმდიდრესი ადამიანის ქონება ამ დღეს 37,1 მილიარდი დოლარით შემცირდა.
გაინტერესებთ ვისთვის აღმოჩნდა შავი პარასკკევი „შავი დღე“? მოდით გაგიმხელთ: ილონ მასკი, ბილ გეიტსი, Amazon-ის დამფუძვნებელი ჯეფ ბეზოსი, Louis Vuitton-ისა და Dior-ის მფლობელი, არც ჩვენ ჩამოვრჩით და ფასები დავწიეთ
ასე რომ, შავი პარასკევი ზოგისთვის სიხარულის ზოგისთვის კი ცუდი ამბების მომტანი აღმოჩნდა, სამაგიეროდ შოპინგის მოყვარული ხალხი კმაყოფილი დარჩა.
გარკვეული პერიოდის შემდეგ ამ ტერმინის გამოყენება ფილადელფიის პოლიციამ თავიდან დაიწყო. ტერმინი ამ შემთხვევაში გადატვირთულ დღეს აღწერდა, როცა ოჯახები შაბათ-კვირის ყოველწლიური ფეხბურთის თამაშების წინ ქალაქში შედიოდნენ. ამ დროს მაღაზიები, ავტობუსები და ქუჩები გადატვირთული იყო, რის გამოც პოლიციას სრული დატვირთვით უწევდა მუშაობა.
და მაინც, როგორ გახდა „შავი პარასკევი“ საყიდლებთან ასოცირებული?
როგორც ირკვევა, ფილადელფიაში ოჯახები მხოლოდ ფეხბურთის საყურებლად კი არა, არამედ „საშოპინგოდაც“ მიდიოდნენ.
ქალაქის საცალო ვაჭრობას გაზრდილი ტრეფიკის კაპიტალიზაცია სურდა, ამიტომ „შავი პარასკევის“ გარშემო უარყოფითი დამოკიდებულების წაშლას ცდილობდნენ. თავიდან ამ დღეს „დიდი პარასკევი“ უწოდეს, მაგრამ სახელი არ დამკვიდრდა და სარეკლალმო სპეციალისტებმა ორიგინალური მეტსახელის დამკვიდრება დაიწყეს.
როგორც Telegraph იუწყება, გაზეთები მოვაჭრეების მოსაზიდად რეკლამებს სათაურით „შავი პარასკევი“ 1966 წლის დასაწყისიდან იყენებდნენ. 1975 წელს მათ ავტობუსისა და ტაქსის მძღოლებიც შემოუერთდნენ და იმ დღის საგზაო მოძრაობის აღსანიშნავად გამოიყენეს, რომლისაც ყოველ წელს ეშინოდათ.
1980-იანი წლებისთვის ფრაზა მთელს ქვეყანაში გავრცელდა, ბიზნესმენებმა კი მადლიერების დღის შემდეგ საცალო ვაჭრობის ფასდაკლების გამოცხადება ყველა ქვეყანაში დაიწყეს. ამ მოვლენების შემდეგ კი სიტუაცია მთლიანად შეიცვალა. დღესდღეობით „შავი პარასკევი“ 6 მილიარდი დოლარის ფასდაკლების „ომია“.
ასე, რომ შავი პარასკევი ზოგისთვის სიხარულის, ზოგისთვის კი ცუდი ამბების მომტანი აღმოჩნდა, სამაგიეროდ მომხმარებელი ყოველთვის კმაყოფილია.
შეგახსენებთ, თავდაპირველად თუ მხოლოდ პარასკევი დღე გამოირჩეოდა, ახლა ტაქტიკა შეცვლილია და კომპანიები 1 კვირით ადრე მაინც იწყებენ მომხმარებლებისთვის ფასდაკლების შეთავაზებას.
